«Ата Заң – елдігіміздің еңсесі»
29.08.2025
29 тамыз күні Байдалы би ауылдық үлгілі кітапханасында 30 тамыз-Қазақстан Республикасының Конституция күніне орай «Ата Заң – елдігіміздің еңсесі» атты дөңгелек үстел өткізілді. Шараға Әкім аппаратының мамандары мен Мәдениет үйінің қызметкерлері қатысты. Шара барысында Ата Заңымыздың тарихы мен маңызы туралы айтылып, «Елдіктің асыл тірегі – Ата Заң» атты кітап көрмесіне кітапханашы Ботбаева Айгүл библиографиялық шолу жасады. Көрмеге Қазақстан Республикасының Еңбек Кодексі, «Қазақтың Ата Заңдары», сондай-ақ фотосуреттер мен буклеттер топтастырылды. Мақсаты: Конституцияның қоғамдағы маңызын дәріптеу, жастарға елдің негізгі заңы - тұрақтылық пен татулықтың кепілі екенін түсіндіру.
