Искаков Қыдырбай Нақыпұлы
Искаков Қыдырбай Нақыпұлы 1959 жылы, 8 - қарашада Ұлытау облысы, Жаңаарқа ауданы, Түгіскен ауылында дүниеге келген. 1968 жылдың қырқүйегінде Түгіскен орта мектебіне оқуға барып, 1978 жылы осы мектептен онжылдық білім алып шықты.
1978 жылдың қараша айында Чита қаласында бір жыл әскери борышын атқарып, бір жыл Кеңес әскерінің Ауғанстандағы шектеулі контингенті құрамында болып, 1980 жылы әскери борышын өтеп келді. Еңбек жолын туған жерінде бастады. 1981 жылы отбасын құрды.
1988 жылдың 28 қаңтарында Жоғарғы Кеңесі Президиумының Жарлығына сәйкес «КСРО Қарулы Күштеріне 70жыл» атты мерейтойлық медальмен марапатталған.
2009 жылдың 19 - желтоқсанында Басшылар Кеңесі жанындағы Интернационалист – жауынгерлер комитетінің бұйрығымен «Кеңес Әскерлерінің Ауғанстаннан шығарылғанына 20 жыл» медалымен, Тәуелсіз Мемлекеттер Достастығына қатысушы мемлекеттердің Қорғаныс министрлері кеңесінің 2013 жылы 5 маусымдағы шешімімен « Ауғанстандағы БФФ әрекеттерінің аяқталғанына 25 жыл толуына орай » медалымен марапатталды. «Кеңес Әскерінің Ауғанстаннан шығарылғанына 30 жыл» мерекелік төсбелгісімен наградталды.
Қазіргі таңда 5 баланың әкесі. Зейнет демалысында.
