«Мәңгілік Жаса,қыран елім Қазақстаным!»
25.10.2023
«Мәңгілік Жаса,қыран елім Қазақстаным!» атты патриоттық сағат
25 қазан – Республика күніне орай Жасөспірімдер кітапханасында А.Сейдімбек атындағы жалпы орта білім беретін мектебімен бірлесе отырып «Мәңгілік Жаса,қыран елім Қазақстаным!» атты патриоттық сағат ұйымдастырылды.
Іс шара мақсаты – Тәуелсіз Қазақстанның егемендік алғаннан кейінгі қалыптасу тарихымен таныстыру, сондай-ақ еліміздің қоғамдық-саяси, экономикалық, әлеуметтік және рухани өміріндегі оң өзгерістерді кеңінен насихаттау, қоғам алдындағы жоғары жауапкершілік, патриотизм мен Қазақстан азаматтарының бірлігін көрсету.
Іс шара барысында жасөспірім оқырмандарға «Қыран елім- Қазақстаным!» атты кітап көрмесі таныстырылып, «Өнерлі қалам»жобасының жас оқырмандары ән шырқап,нақышына келтіре патриоттық өлеңдер оқыды. Оқушылар өзара пікір алмасып, дайындалған викториналық сұрақтарға жауап беріп, алғыс хаттармен марапатталды.
