«Ахмет Байтұрсыновтың –қазақ халықының рухани көсемі»
15.04.2022
15 сәуір күні Сәкен Сейфуллин атындағы орталықтандырылған кітапханасы, жасөспірімдер кітапханасы және Б.Өтешов атындағы балалар кітапханасы бірлесе Алаш қозғалысының көрнекті қайраткері, қазақ тіл білімі мен әдебиеттану ғылымдарының негізін салушы, ғалым Ахмет Байтұрсыновтың туғанына 150 жыл толуына орай «Ахмет Байтұрсынов – қазақ халқының рухани көсемі» тақырыбында Zoom платформасы арқылы онлайн конференция өткізді. Конференцияның модераторы Акимова Жазира Алаш қайраткері А.Байтұрсынұлының бұл жолғы мерейтойы ЮНЕСКО көлемінде әлемнің бірнеше елінде, алдымен Қазақ елінде кең ауқыммен аталып өтілетінін және «Бір ел – бір кітап» республикалық акциясы аясында Ахмет Байтұрсыновтың өлеңдері мен қанатты сөздерінің жинағы (4 бағыт бойынша) оқуға ұсынылғандығын айтып өтті. Конференцияға ОКЖ кітапханашылары, оқырмандар қатысты. Кітапханашы Ә.Мусина «Дәуірдің жарық жұлдызы» атты кітап көрмесіне шолу жасады. Мәдениет және тілдер дамыту бөлімінің әдіскері Ж.Шерипбаева ҚР-ның Тілдер мерекесінің А.Байтұрсынұлының туған күніне белгіленгені туралы айтып өтті. Конференцияда келесі тақырыптарда баяндама оқылды: оқырмандарға қызмет көрсету бөлімінің меңгерушісі Н.Ибраева «Ахмет Байтұрсынұлының өмір жолы, ғылыми мұрасы», жасөспірімдер кітапханасының тұрақты оқырманы Мағрұпжан Бексұлтан Шәкәрімұлы «Ахмет Байтұрсынұлының әдеби шығармалары», ақпараттық-библиографиялық бөлімнің меңгерушісі А.К.Оралбаева «Ахмет Байтұрсынұлының публицистикалық еңбектері», Б.Өтешов атындағы балалар кітапханасының меңгерушісі Ә.С.Асылхан «Ахмет Байтұрсынұлының аудармалары». Ал С.Сейфуллин атындағы ЖОББ мектебінің 9 «а» сынып оқушылары Мұсылманбек Жәния, Кәрімжанова Арна, Сембі Нұршат А.Байтұрсыновтың өлеңдерін мәнерлеп оқыды.
С.Сейфуллин атындағы ОКЖ директорының міндетін атқарушы Г.А.Жакупова А.Байтұрсынұлының мерейтойына арналған шаралар жалғасатынын жеткізді.
