Айдос Сағанаевпен сыр сұбхат өтті
15.10.2021
15 қазан Ақпараттық – библиографиялық бөлім ұйымдастыруымен «Рухани жаңғыру» бағдарламасы аясында «Қазақстанның 100 жаңа есімі» жобасы бойынша жаңа жеңімпаздар туралы насихаттау мақсатында, еліміздің дамуына ерекше үлес қосып жүрген азаматтардың бірі.
«Қазақстанның алтын кітабы» және «Қазақстанның ең табысты 30 ер адамы» кітабына енген және «Алтын кітап» медалінің иегері «Қазақстанның ең табысты 30 ер адамы» медалінің иегері, «Ақтайлақ Ізгілік - 2018» қоғамы қорының төрағасы , Білікті имам - Айдос Сағанаевпен сыр сұбхат өтті.
Айдос Сағанаев Қарағанды облысының, Жаңаарқа ауданына қарасты, Атасу кентінде дүниеге келген. Айдос Сағанаев қайырымдылық жасағанды ұнататын жан. Алғаш мектеп табалдырығын аттап, 1986-1992жылдары Атасу кентіндегі В. Ленин атындағы мектепте тәлім алған. Жастайынан оқуға құштарлығы артқан жас жан-жақты тәрбиелі болып өскен. Әсіресе, кітапқа құмарлығымен діни білімге деген қызығушылығы жоғары болған. Мектепте оқып жүрген уақытында ғылым мен білім алуға ерекше мән беретін ислам дінінің дамуы мен қалыптасуы қызығушылығын арттырған.Айдос имамның айтуынша, қоғамда көпшіліктің жүрегіне мейірімділік сипатын оятуда ұлтаралық бөлінуге жол бермей, бірлік пен ынтымақты басшылыққа алу – басты мақсат. Айдос Сағанаевтың алдағы уақыттағы мақсаты – балаларға арналған қайырымдылық үйін ашу. Осылайша қоғамның бір кірпіші болып қаланар жастарға діни дұрыс бағыт беріп, үлкен өмірге қадам басар шағында рухани әрі демеушілік қолдау көрсету. Айдос имам секілді қоғамның дамуына бей-жай қарамайтын, болашақ жастардың рухани дамуына алаңдаушылық танытатын азаматтар көп болса екен дейміз.
