«Ардақты, аяулы – ана»
08.03.2025
Талдыбұлақ ауылдық кітапханасында 8 наурыз – ҚР Халықаралық әйелдер күніне орай «Ардақты, аяулы – ана» атты мерекелік кеш өтті. Шара Мәдениет үйімен бірлесіп, «Супер келіншек» атты сайыс түрінде ұйымдастырылды. Сайыс 5 кезеңнен тұрды, оған ауылымыздың келіндері қатысты. Апиева Әсел – «Парасатты келін» номинациясын, Табынова Арайлым – «Өнегелі келін» номинациясын, Орысбай Әнел – «Супер келіншек» номинациясын иеленді. Қазылар алқасы әділ шешім қабылдап, қатысушылар дән риза болды. Ауыл әкімі Рауан Файзрахманұлы барша аналарға, апаларға және нәзік жандарға жүрекжарды тілегін білдіріп, ашық хат пен гүл шоқтарын тарту етті. Жиналған қауым көтеріңкі көңіл-күймен тарқасты. Мақсаты: Ана жайлы тамаша сөздер, өлеңдер мен әндер арқылы аналар мен аруларды құттықтау.
