«Арқадан шыққан өр тұлға»
29.11.2022
29 қараша күні қызмет көрсету бөлімінде жазушы, филология ғылымдарының докторы, аудармашы Ақселеу Сланұлы Сейдімбектің туғанына 80 жыл толуына орай «Арқадан шыққан өр тұлға» атты әдеби-сазды кеш өтті. Кешке жазушының туыстары Аманбеков Әмзе, келіні Нәсіп Сейдімбек, аудандық ардагерлер кеңесі, тарихи- өлкетану музейінің қызметкерлері, ұстаздар мен оқушылар қатысты. Ақселеу ағамыздың ұлт руханиятына мол мұра қалдырғаны күмәнсіз. Оны бүгінгі шара барысында қонақтардың айтқан естеліктерден байқадық. Мектеп оқушылары Ақселеуге жыр арнауын жолдаса, мәдениет үйінің әншісі Қызыров Балтабай Әбілқасымұлы жазушының әндерінен шырқады. Шара барысында ағамыздың өмірінен сыр шертетін бейнебаян көрсетіліп, дарынды тұлғаның шығармаларынан «Алаштың ардақтысы- Ақселеу» атты кітап көрмесі ұйымдастырылды. Мәнді де мағыналы әсерлі кеш Ақселеу Сейдімбектің асқар талантының қыр- сырын ашып, оның рухани әлемінде қазақ биігі мәңгі аспандап тұратыны айқындалды.
