«Атыңнан айналдым Жаңаарқам»
28.10.2022
2022 жылдың 28 қазан күні жерлес жазушы, драматург, ақын, сазгер, Қазақстан Жазушылар одағының иегері, Халықаралық конкурстардың проза жанры бойынша жеңімпазы, Еуразия ашық бәйгесінің жүлдегері, Республикалық конкурстарының бірнеше мәрте лауреаты Төкен Әлжантегі кітапханамыздың өлкетану бөліміне арнайы келіп құнды заттарын табыстады. Жазушының жеке портретінен бастап, бірнеше дәрежелі дипломдары, наградалық мүсіндері, және өзіндік қолтаңбалары бар кітаптарын сыйлады. Жазушының құнды мұраларын сақтау мақсатында ОКЖ директоры Ускенбаева Шынар Түлкібайқызының қолдауымен кітапханамыздың коворкинг орталығынан Төкен Әлжантегінің құрметіне «Атыңнан айналдым Жаңаарқам» атты арнайы бұрыш ашылып, жазушының құнды дүниелері осы жерден орын алды. Бұл сыйлықтар кітапхана ұжымы үшін баға жетпес құнды дүние болды. Рухани құнды мұраларды тарту еткен жазушыға айтар алғысымыз шексіз. Алдағы уақытта оқырмандардың жазушылық құштарлығын оятатын, іздегенін таба алатын, көркем дүниемен ойын дамыта алатын тағы бір қасиетті орын ашылды деп айтуға толық негіз бар.Төкен Әлжантегінің жылдар бойы жинақтаған құнды заттарын кітапханаға табыстауы игілікті істердің бастамасы. Жазушының жеке кітаптары мен мемориалдық заттарын сақтау, оларды оқырмандардың пайдалануына мүмкіндік жасау, шығармашылығына зерттеу жұмыстарын жүргізу кітапхана қызметкерлерінің ортақ міндеті болып қала береді.
