«Ауған ардагерлеріне тағзым!»
15.02.2022
Ш.Ералиев ауылдық кітапханасында О.Әлібаев атындағы ЖББМ бірлесе отырып, 15 ақпан Ауған соғысының аяқталғанына 33 жыл толуына орай «Ауған ардагерлеріне тағзым!» атты кітап көрмесі ұйымдастырылып, Ауған соғысының ардагері, жерлес, интернационалист О.Назаровпен кездесу өткізілді. Кездесуді кітапханашы Г.Ахметбекова жүргізді. Іс-шараның мақсаты: өскелең ұрпаққа Ауған соғысы жайлы толық ақпарат беріп, ардагер ағамен ашық әңгімелесу, сұхбаттасу іс-шара барысында Ауған соғысы туралы ақпараттар берілді. 8 сынып оқушысы С.Ыбырақым «Ауған жерінен Кеңес әскерлерінің шығарылғанына – 33 жыл» атты презентациясын қорғады. Ардагер ағамен сұхбат жүргізілді. Оқушылар ардагерге сұрақтар қойып, толық жауап алды. Мәдениет үйінің меңгерушісі Ж.Көпбосынов «Ақтамбердінің толғауы» мен «16 зары» атты әндерді тамылжыта орындады. 8 сынып оқушысы Т.Игенберлина М.Мақатаевтың «Отан» атты өлеңін нақышына келтіре мәнерлеп оқыды. О.Әлібаев атындағы ЖББМ іс-шара жалғасын тауып, оқушылар арасында алғашқы әскери дайындық бойынша сайыс өткізілді. Сайысқа 9-11 сынып оқушылары қатысты. Олар автоматты шашып-жинау, газ тұмшаларын кию, қолды жиып жазу, гир көтеру, қол күрес және арқан тартыс сайыстары бойынша күш сынасты. Нәтижесінде 11 сынып І орын, 10 сыныптар ІІ-ІІІ орын, 9 сынып ІV орынды иеленді. Ардагерімізге іс-шара соңында шағын сыйлық табысталды.
