«Балалардың кітап оқуға қызығушылығын қалыптасырудағы кітапханашының рөлі»

     Б.Өтешов атындағы аудандық үлгілі балалар кітапханасы  «Балалар жылы» аясында  29 қыркүйек күні «Балалардың кітап оқуға  қызығушылығын қалыптасырудағы кітапханашының рөлі» тақырыбында аудандық  семинар ұйымдастырды.Семинардың мақсаты  жас ата –аналар мен оқырмандарды кітапханаға тартуды күшейту, балалардың кітап оқу мәселелері,  балалар мен жасөспірімдердің бірқатар бөлігінің кітап оқудан бас тарту себептері, сонымен қатар  осы тенденцияны еңсеру үшін әртүрлі ұйымдар арасындағы ынтымақтастық мүмкіндіктерін іздену жолын көрсету болып табылады. Кітапханашылар арасында кәсіби тәжірибе алмасу, жаңа тәсілдерге бағыттау мақсатында өткізілген іс шараның алғы сөзін С.Сейфуллин атындағы ОКЖ директорының міндетін атқарушы Гүлмайра Ағлақызының құттықтау сөзімен семинар шымылдығы ашылды. Әдістемелік бөлімнің меңгерушісі Гүлнәр Қылышбекқызы жыл бойы  «Балалар жылы» аясында ұйымдастырылып жатқан іс-шараларға тоқталып өтіп, бүгінгі кәсіби біліктілікті арттыратын семинардың маңыздылығы жайлы тілге тиек етті. Аудандық балалар кітапханасының меңгерушісі Айгерім Сейілханқызы кәсіби іс-шара аудананың балалар кітапханаларының қызметін ақпараттық кеңістікті кеңейту жағдайында жаңа тәсілдерге және  жаңа ақпараттық  технологияларды , оның ішінде мобильді қосымшаларды енгізу ерекшеліктерін бағдарлау, кәсіби тәжірбие алмасу, кітапханашылардың шығармашылық, аналитикалық қабілеттерін ынталандыру, кәсіби қызығушылығының аясын кеңейту мақсатында өткізіліп жатқан іс-шараға сәттілік тіледі.  «Болашаққа бағдар, рухани жаңғыру» бағдарламасы аясында қазақтың салт-дәстүрін зерделеу жөніндегі «Жеті қазына жайлы не білеміз?» атты Байдалы би ауылдық кітапханасының кітапханашысы Анаргүл Амансарина ток-шоу ұйымдастырды. Анаргүл Амансарина кітапхана жанынан құрылған «Сиқырлы қолдар» үйірмесінің оқушыларымен бірігіп жасаған «Жеті қазына» атты тактильді кітап таныстырылды. Қатысушылармен «Ғажайып алаң» ойыны ойнатылды. Айнабұлақ ауылдық кітапханасының кітапханашысы Құрақбай Қолаңшаш «Ертегілер елінде» атты ертегі кейіпкерлерінің шеруі өткізді. Мыстан кемпір рөлінде  ойнаған Қолаңшаш қатысушылармен ертегілер еліне саяхат жасады. «Көңілді көліктер» тосын сый кітаптар топтамасымен  Б.Өтешов атындағы үлгілі балалар кітапханасының кітапханашысы Қуандықова Ләйла «Куизис» ойын платформасында «Жол ережелері» тақырыбында ұялы телефонмен қызықты викториналық ойындар ойнатылды. «Көңілді көліктер» тақырыбында машина үлгісінде кітап көрмесі құрылып, қатысушыларға таныстырылды. Актүбек ауылдық кітапханасы Қошеметова Салтанат «Ностальгия кітаптар» тақырыбында «Әуенді тап?» ойыны ойнатылып, мультфильм –ертегілерге саяхат жасалынды. Талдыбұлақ ауылдық кітапханасының кітапханашылары Ақтоты Асанбаева мен Арайлым Қобыланды «Қызықты тәжірбиелер мен эксперименттер» жасап, семинар қатысушыларыныңың қызығушылығын оятты. Б.Өтешов атындағы үлгілі балалар кітапханасының кітапханашысы Акимова Диана кітапханашылар арасында жеребе арқылы  «Кітапханашы не оқиды?» атты блиц сұрақ ұйымдастырды. Семнар соңында қатысушылар экспресс тренинг ойындар ойнап, ситуациялық тапсырмаларды орындады. Барлық қатысушыларға сертификат табыс етіліп, өнер көрсеткен мамандарға дипломдар тарту етілді.