«Білім бәйгесі» интеллектуалды сайысы
29.11.2021
Жаңаарқа ауданының С.Сейфуллин атындағы орталықтандырылған кітапханада 1 желтоқсан – ҚР Тұңғыш Президент күніне орай «Білім бәйгесі» интеллектуалды сайыс ұйымдастырылды. Сайысқа аудандық білім бөлімінің әдіскері - Ашықбекова Күлшат Мұқыжанқызы, Ақерке бөбекжайының дене шынықтыру мұғалімі – Өскен Думан Жанатұлы, Ақерке бөбекжайының дене шынықтыру мұғалімі – Рахимова Нәсіп Абуталипқызы, №132 жалпы білім беретін мектебінің кітапханашысы - Тайнбекова Әсем, Жастар ресурстық орталығының басшысы – Еркегүл Тәттімбетқызы, Жастар ресурстық орталығының маманы – Абильжанова Перизат Мағауиевна, Жаңаарқа жалпы білім беретін мектебінің биология пәнінің ұстазы – Жанболат Гулдана, Жаңаарқа аудандық балалар мен жасөспірімдер спорт мектебінің әдіскері – Жайлыбаев Жарас Құдайбергенұлы қатысты. Сайысқа әділ қазы болып, төрелік еткен «Nur Otan» партиясының Жаңаарқа аудандық филиалы төрағасының бірінші орынбасары Уалиев Өмірзақ Бекмұратұлы, Мәдениет және тілдерді дамыту бөлімінің бас маманы - Тақауиева Зәмзәгүл Сағатқызы. Сонымен қатар іс шара барысында «Әлемдік тұлға келбеті. Елбасы өмірбаяны және жасампаз идеялары» атты кітап көрмесіне шолу жасалды. Барлық ойыншылар «Nur Otan» партиясының Жаңаарқа аудандық филиалының демеушілігімен жасалған сыйлықтарымен, диплом және алғыс хаттармен марапатталды.
