«Дос құшағын жайғанда»

18.03.2025

18 наурыз күні Қараағаш ауылдық үлгілі кітапханасының кітапханашылары Имантусупова Жаңагүл мен Нұржан Наурызгүлдің ұйымдастыруымен, Ынталы ЖББ мектебінің кітапханашысы Гүлназ Бақтыбаеваның қатысуымен, мектеп кітапханасында қазақ ақыны Тұманбай Молдағалиевтың туғанына 90 жыл толуына орай «Дос құшағын жайғанда» тақырыбында тәрбие сағаты өткізілді. Атаулы шараға мектептің 8-сынып оқушылары қатысты. Кітапханашы Нұржан Наурызгүл ақынның өмірі мен шығармашылығы жайлы баяндама жасады. Ақынның еңбектерінен кітап көрмесі ұйымдастырылып, шығармаларымен жеке-жеке таныстырылым жасалды. Сондай-ақ оқушылармен сұрақ-жауап ойыны өткізілді. Кеш соңында оқушы Қылыш Кәусар ақынның «Ана» өлеңін дауыстап оқыды. Мақсаты: оқырмандарға ақынның өмірі мен шығармаларын таныстыру, өлеңдерін насихаттау.