«Достық – баға жетпес байлық»
14.03.2025
14 наурыз күні Талдыбұлақ ауылдық кітапханасында Қазақстан халқы Ассамблеясының 30 жылдығына орай «Достық – баға жетпес байлық» атты кітап көрмесі өтті. Биыл Қазақстан халқы Ассамблеясының құрылғанына 30 жыл толып отыр. Бірлік, татулық және ынтымақ – еліміздің мызғымас тұғыры мен басты құндылығы. Шараға мектеп оқушылары қатысып, көрмеге қойылған мәліметтер жан-жақты түсіндірілді. Ассамблея – ел бірлігін нығайтатын тиімді құрылым, бүгінгі таңда Конституциялық мәртебесі бар маңызды қоғамдық орган. Қазақстан халқы Ассамблеясы идеологиясын жүйелі түрде жүзеге асырып келеді. Біз тәуелсіздік пен бірлікті нығайта отырып, Отанымыз – Қазақстан Республикасының табысты дамуы мен өркендеуіне қол жеткізетінімізге нық сенімдіміз. Тәуелсіздігіміздің туы желбіреп, елімізде тыныштық, бейбітшілік және ұлтаралық келісім орнай берсін! Мақсаты: Қазақстанда тұратын барлық этностардың тарихы, мәдениеті, дәстүрі мен өнерін насихаттау.
