«Қайырымдылық күні»

15.03.2025
15 наурыз күні Қараағаш ауылдық үлгілі кітапханасында Наурызнама онкүндігі аясында «Қайырымдылық күні» акциясы өтті. Іс-шараға Қараағаш ауылы әкімдігі, мәдениет үйі, кітапхана қызметкерлері мен ауыл мекемелері атсалысты. Айтулы мереке қарсаңында ауылда игі істер атқарылып, мұқтаж жандарға көмек көрсетілді. Ауыл имамы Тәттімбек ағайдың бастамасымен әйелдер тазалық жұмыстарын жүргізсе, ерлер ауладағы қар мен мұзды тазалады. Сонымен қатар, бірлесіп қаражат жинап, жалғызбасты азамат, аурухана күзетшісі Сыздықов Өмір ағайға киім-кешек, көрпе-жастық және тәтті тағамдар алып берілді. Өмір ағай өз ризашылығын білдіріп, қуанышын жеткізді. Шараға қатысушылар осындай игі істерді жиі ұйымдастыруға уәделесіп тарқасты. Мақсаты: Қоғамда мейірімділік, қайырымдылық және жанашырлықты насихаттау, әлеуметтік жағдайы төмен отбасыларға көмек көрсету арқылы жылулық пен қамқорлық сыйлау.