«Қара шаңырақты қадір тұту – халқымыздың салты»

17.03.2025

Ұлыстың ұлы күнін тойлауындағы «Наурызнамаға» сәйкес, наурыздың он жетісі күні «Шаңырақ күніне» орай Ақтүбек ауылдық үлгілі кітапханасында «Қара шаңырақты қадір тұту – халқымыздың салты» атты отбасылық сағат өтті.Туған-туысты татулыққа шақыру және отбасылық құндылықтарды дәріптеу мақсатында ұйымдастырылған шараға ауылымыздың тұрғыны, қара шаңырақ иесі Тусупов Тарғын мен жұбайы Күлмағамбетова Бақыткүл арнайы шақырылды.Отбасылық сағат әсем әуенмен басталып, қазақтың «қара шаңырақ» немесе «үлкен үй» ұғымдарының мәні мен маңызы туралы мағлұматтар берілді. Қатысушылар атадан қалған асыл мұра мен дәстүр сабақтастығын терең түсінудің маңыздылығы туралы пікір алмасты.Сонымен қатар, келген қонақтарымызға «Бешбармақ» ойыны ойнатылып, отбасыға байланысты мақал-мәтелдердің жалғасын табу шарты қойылды. Оқырмандар белсенділік танытып, шара дәстүрлі әнмен аяқталды.