"Қарттарым-асыл қазынам"
29.09.2022
29 қыркүйек күні С.Сейфуллин атындағы орталықтандырылған кітапхананың оқу залында 1 қазан – Халықаралық қарттар күніне орай "Қарттарым-асыл қазынам" атты құрмет кеші өтті. Ұлт руханиятының ордасы, киелі қара шаңырақта сүбелі еңбек еткен зейнеткерлеріміз.Шайхина Сарқыт Сатанқызы, Мылтықбаева Рымбала Аубакировна қатысты. Шараны кітапхана директорының міндетін атқарушы Жақыпова Гүлмайра Ағылақызы құттықтау сөзбен ашып, ұжым зейнеткерлеріне жылы лебізін білдірді. Кітапхананың ең үздік оқырмандарымыз Нұрманов Құдайберген және Иманмусаева Жанат Мухтаевна сөз сөйлеп, естеліктерімен бөлісті. Ауданымыздың құрметті ардагері, аудандық ардагерлер кеңесінің төралқа мүшесі, аудандық қоғамдық кеңес төрағасы Амантай Нығатайұлы зейнеткерлерімізді құттықтап, кітапхана ұжымына терең ризашылығын білдірді. Шара аясында мектеп оқушылары театрландырылған көрініс көрсетіп, ән мен биден шашу шашылып, мерекелік көңіл күй сыйлады. Шара соңында қарттарымыз батасын беріп, жылы лебіздерін білдірді.
