«Кітап әлемі. Кітапхана патшалығы»
23.09.2021
23 қыркүйек күні аудандық үлгілі балалар кітапханасының оқу залында мектеп оқушылары мен тұрақты оқырмандарымызға «Кітап әлемі. Кітапхана патшалығы» атты кітап көрмесіне библиографиялық шолу жасалынды. Көрмеге кітапхана қорына жаңадан келіп түскен қызықты кітаптар мен мерзімді басылымдар қойылды. Балаларға арналған ертегілер, күлкілі оқиғалар, өлеңдер, заманауи балалар әдебиетінің және классикалық сүйікті шығармалары көрменің көрікті жерінен орын алды.
Оқырмандар осы жерде балалар әдебиетінің жазушылары - ертекшілер туралы, олардың өмірі жайындағы қызықты фактілер жайлы ақпарат алды.. Шараның басты мақсаты жас ұрпақтың кітап оқуын қалыптастыру, оқуға қызығушылығын ояту болып табылады. Кітабының апталығы – кітап оқитын барлық балалардың мерекесі, балалық шақ, қуаныш пен сүйікті кітаптармен кездесу мерекесі осылайша көңілді әрі қызықты өтіп жатыр
