«Кітап-мәңгі шамшырағы заманның»
23.04.2024
Түгіскен ауылдық кітапханасында 23 сәуір күні «Халықаралық кітап және авторлық құқық қорғау» күніне орай «Кітап-мәңгі шамшырағы заманның» атты топтық сайыс өткізілді. Мақсаты: Көпшіліктің назарын оқуға, кітапқа аудару, оқушылардың кітапқа деген сүйіспеншілігін арттыру. Топтық сайысқа 10-12 жас аралығында оқушылар қатыстырылды. Топтық сайыс төрт бөлімнен тұрды. 1-бөлім «Кітап-білім бұлағы», 2- бөлім «Бұл қай оқулық», 3- бөлім «Сөзтуым», 4- бөлім «Кітаптар әлемі».«Құмсағат», «Аққауырсын» топтары «Кітап-білім бұлағы» бөлімінде өзіне ұнаған қызықты кітабынан түсінік айтып, «Бұл қай оқулық» бөлімінде өлеңді кез келген оқулық мәтінін оқу арқылы оқушылар сөйлеп тұрған оқулықтың атын айтты. «Сөзтуым» бөлімінде оқушылар бірлесіп сөзжұмбақ шешіп, «Кітаптар әлемі» бөлімінде сұрақтарға жауап беріп білімдерін паш етті. Дұрыс жауап бергендерге ынталандыру сыйлықтары берілді. Үздік оқырмандарға орындар беріліп, кітапхана атынан алғыс хатпен марапатталды.
