«Кітапхана айдынында»
29.12.2022
С.Сейфуллин кітапханасында кітапты сүйе білу, кітапты қадірлеу, баулу және жылдың ең үздік оқырманын анықтау мақсатында 2022 жылдың 29 күні желтоқсанда «Кітапхана айдынында» атты оқырман шоқжұлдыздары өткізілді. Шараға мектеп мұғалімдері мен оқушылар, барлық кітапханалардың тұрақты оқырмандары қатысты.
Шара барысында кітапханалардың ең үздік деген оқырмандары қатысып, өмір жолдары, олардың кітапханаға тіркелгеннен бастап осы кезге дейін оқыған кітаптары, ең сүйікті шығармалары, кітап оқуға көзқарастары туралы кеңінен әңгімелеп, өзара пікір алысты. кештің көркін ән-жырмен көркемдеп, кітапхана қызметкерлері түрлі логикалық сұрақтар мен ойындар ұйымдастырып қонақтарға көтеріңкі көңіл күй сыйлады.
Еліміздің болашағы, ертеңі үшін барлық қуат-қайраттарынды оқуға, заман талабына сай терең білім алуға жұмсаңыздар дей отырып, сөз кезегін С.Сейфуллин атындағы орталықтандырылған кітапхана жүйесінің КММ директоры Шынар Түлкібайқызына берілді. Оқырмандарымызға тілек білдіріп, 2022 жылдың қортындысы бойынша әр түрлі номинациялар бойынша диплом, алғыс хаттар мен сыйлықтар табыс етілді. Қорытынды бойынша «Алтын формуляр» номинациясының иегері: Терликбаев Сәбит «Үздік оқырман» номинациясының иегері: Иманмусаева Жанат Мухтаевна. «Үздік білімді оқырман» номинациясының иегері:Дүйсенбаев Ерқанат иеленді. Кеш қонақтары үздік оқырмандардың оқыған кітаптарынан жасақталған кітап көрмелері, көрме инсталяциялары және көркемделген оқырман формулярымен танысты.
