«Кітапханаға 100 қадам»
25.07.2021
Ағымдағы жылдың 25 шілдесі күні кітапхана ғимаратының алдында оқырмандарға қызмет көрсету бөлімінің ұйымдастыруымен дәстүрлі «Жазғы оқу» акциясы аясында «Кітапханаға 100 қадам» атты көңілді, интелектуалдық ойындар топтамасы өткізілді. акцияның негізгі мақсаты: кітап кеңістігін кеңейту, оқуды дәріптеу, бос уақытты тиімді өткізу, жұмыстың жаңа түрлерін насихаттап, оқырман қызығушылығын арттыру.
«Жазғы оқу» акциясы барысында оқырмандар мен қонақтарға қызықты 5 алаң жұмыс атқарды. Әр алаңның өз тақырыбы болды, мазмұны жағынан әрі қызықты.
1-алаңда «Леди фуршет» алаңы ұйымдастырылды. Бұл алаңда қонақтарға сұрақтар қойылып, дұрыс жауап берген қонақтарға салқындатылған сусындар мен кітаптар сыйға берілді.
2- алаңда Тәуелсіздіктің 30 жылдық мерейтойына арналған «Тәуелсіз Қазақстан –ғасырлар арманы» тақырыбында кітаптар мен Қазақстанның тарихынан сыр шертетін сұрақтар қойылды. Дұрыс жауап берген оқырмандарымызға сыйлықтар табыс етілді.
3-алаңда «Кино әлеміне саяхат» атты танымал қазақстандық кинолардан үзінді фотолар берілді. Қандай кино, атауын дұрыс тапқан оқырмандарымызға сый- кәде табысталды.
«Ақыл-дәрия, ой- теңіз» алаңында қазіргі уақытта сұранысқа ие әлемдік бесцеллерлер мен түпсана мен адам ойының қабілеті мен мотивациялық кітаптар көрмеге қойылды.
Акцияның негізгі идеясы – кітап кеңістігін кеңейтуде, оқуды дәріптеуде, бос уақытты тиімді өткізудің жаңа түрлерін ұйымдастыруда кітапхананың және басқа да барлық мүдделерді біріктіріп қызығушылық тудыру. Іс-шара соңында оқырмандарымыз арнайы қойылған ақ тілектер тақтасына ізгі тілектерін жазып қағаз бетіне қалдырды.
