«Кітапханаға кітап сыйла!» акциясы

07.02.2022

Кітап оқу – адамға өзіндік әсер етіп, оның адам болып қалыптасуында маңызды рөл атқаратынын, кітап оқу мен кітапханаларды қолдау – қоғам дамуының басты міндеттерінің бірі екенін ескере отырып, Жаңаарқа ауданының «Сәкен Сейфуллин атындағы орталықтандырылған кітапханалар жүйесі» КММ-нің Кітап толықтыру және өңдеу бөлімі аудандық қайырымдылық акциясын ұйымдастырады.
«Кітапханаға кітап сыйла!» аудандық акциясы коммерциялық емес, қайырымдылық іс-шара болып табылады. 
Мақсаты – Жаңаарқа ауданының орталық кітапханалары мен ауыл кітапханалары қорын сирек кездесетін және заманауи басылымдармен толықтыру.
Сирек кездесетін және 2000 жылдан бастап жарық көрген қазақ, орыс және ағылшын тілдеріндегі: ғылыми, тарихи, ауыл шаруашылық, құқықтық, көркем және балалар әдебиеті тақырыптарындағы әдебиеттер қабылданады. Кітаптар жақсы жағдайда болуы тиіс. Кітаптар Сәкен Сейфуллин атындағы орталық кітапханалары мен ауыл кітапханаларында қабылданады. 
Акциясының қорытындысы кітапханамыздың ресми сайтында (http://www.zhanlib.gov.kz) және (zhanlib_kz) инстаграм парақшасында жарияланады. Акцияға белсенді қатысқандар жыл соңында акция ұйымдастырушыларының алғыс хаттарымен марапатталады.
Акция жайлы сұрақтар бойынша мына мекен-жайға хабарласыңыздар:
Тел.: 8 (7130) 2-74-44  – «Сәкен Сейфуллин атындағы орталықтандырылған кітапханалар жүйесі» КММ-нің Кітап толықтыру және өңдеу бөлімі.
Тел.: 8-700-990-23-43 – Кітап толықтыру және өңдеу бөлімінің меңгерушісі Жаншораева Әйгерім Маратқызы.