«Қоңыр күз еді»

18.03.2025

18 наурыз күні Қараағаш ауылдық үлгілі кітапханасында «Qadam» жобасы аясында қазақ жазушысы, сыншы, аудармашы Қалихан Ысқақтың туғанына 90 жыл толуына орай «Қоңыр күз еді» тақырыбында әңгіме сағаты өткізілді. Атаулы шараға «Qadam» жобасының жетекшісі Дінмұхамед Төлеуов, кітапхана оқырмандары, ауылымыздың өнерпаздары Жанғозин Қазбек, Мырзағұлов Елдос және мәдениет үйінің қызметкерлері қатысты.1963 жылы жарық көрген «Қоңыр күз еді» повесі – жазушының алғашқы көлемді шығармаларының бірі. Бұл туындыда Екінші дүниежүзілік соғыстың ауыр кезеңіне тұспа-тұс келген Қасым, Қомшабай, Алтын сынды балалардың ауыр балалық шағы бейнеленген. Повесть қазақ әдебиетіндегі әңгіме-повесть жанрындағы көрнекті шығармалардың бірі болып саналады. Шара барысында оқырмандар повесть жайлы, оның кейіпкерлері туралы пікір алмасып, жазушының өмірі мен шығармалары туралы мағлұмат алды. Мақсаты: қазақ прозасының көрнекті жазушысы, сыншы, аудармашы Қалихан Ысқақтың шығармаларын насихаттау.