«Көп жасаған қария, ақылы теңіз дәрия»
01.10.2021
1 қазан Халықаралық қарттар күніне арналған «Көп жасаған қария, ақылы теңіз дәрия» атты онлайн музыкалық кеш өткізілді. Іс-шара барысында С.Сейфуллин атындағы орталықтандырылған кітапхананың оқырмандарға қызмет көрсету бөлімінің кітапханашылары қазыналы қарияларды мерекелерімен құттықтап, өз ризашылықтарын білдіре отырып, естелік сыйлықтарын табыс етті. Кітапханашылардың ыстық ықыласы мен адами қадір-қасиетіне дән риза болған ақсақалдар мен ақ жаулықты әжелер шын жүректен алғыстарын білдіріп, ақ батасын берді. Кітапхана қорында жинақталған егде жастағы қарияларға арналған шығармалармен кітапханашы Акимова Жазира таныстырды. Ауданымыздың тұрғыны, еңбек ардагері, зейнеткер Сатбаев Таухан қарттар күніне арнап «Қарттарым, менің қарттарым» әнін орындап берді. Онлайн музыкалық кешіміз кітапханамыздың әлеуметтік желілері мен YouTube каналына жүктелді.
