«Менің елімнің тарихындағы менің ауылымның тарихы»
29.10.2021
29 қазан С.Сейфуллин атындағы орталықтандырылған кітапхананың оқу залында Б.Өтешов атындағы үлгілі балалар кітапханасының ұйымдастыруымен Қазақстан Тәуелсіздігінің 30 жылдығы «2021-балалар мен жастардың оқуын қолдау жылы» аясында «МЕНІҢ ЕЛІМНІҢ ТАРИХЫНДАҒЫ МЕНІҢ АУЫЛЫМНЫҢ ТАРИХЫ» атты аудандық шығармалар байқауының салтанатты марапаттау кеші өтті. Іс-шаранаң мақсаты: 13-15 жастағы жасөспірімдердің туған жерінің тарихын терең білуге және тұтас елдің дамуындағы ауылдың алатын рөлін анықтауға, туған ауылының дамуы ел дамуының негізгі құрам бөлігі ретінде көзқарастарын қалыптастыру, зерттеу жұмысы дағдыларын дамыту болатын.Бір айға жалғасқан шығармалар байқауына ауданымыздың ауыл аймақтары белсене ат салысты. Байқау қорытындысы бойынша сараптау комиссиясы байқау талаптарына сай І, ІІ, ІІІ дәрежелі диплом және бірнеше номинация иегерлерін анықтады. Байқауды салтанатты марапаттау кешіне кітапхананың «Covorking» орталығына «Бақытты балалық шақ» атты кітап көрмесі мен кеш қонақтарына фуршет үстелі және демалыс аймағы ұйымдастырылды. Кешке «Мәдениет және тілдерді дамыту» бөлімінің басшысы Медет Файзрахманұлы қатысып, байқау жеңіпаздарына ақ тілегін білдіріп, биік шыңдарды бағындыруына тілектестігін жеткізді. С.Сейфуллин атындағы орталықтандырылған кітапхананың директорының міндетін атқарушы Гүлмайра Ағлақызы облыстық кезеңге жолдама алған қатысушыларға сәттілік тіледі. Байқау жеңімпаздарын дипломдармен марапаттап,сыйлықтартабысетілді.Алдағы уақытта жеңімпаз атанған оқушылар облыста өтетін шығармалар байқауында ауданымыздың намысын қорғайтын болады. Қатысушыларға сәттілік тілейміз.
