«Мың мамандық бәрі бар. Таңдап, талғап бірін ал!»
22.02.2023
Қасиетті өлкенің топырағы өскен жеріне, Отанына,халқына шынайы жанашыр ұл –қыздар мен тумасынан ерекше дарын иелерін туғызары сөзсіз.
Жаңаарқа аудандық Жасөспірім кітапханасының ұйымдастыруымен 2023 жылдың 22 ақпан айында ауданымыздың рухани тыныс-тіршілігіне тың серпін беріп,киелі сахна,театр әлемінде жыл сайын өткізілетін ірі мәдени көпшілік шараларының барлығын жоғары креативті талғаммен өткізіп, аудан мәдениетін көтеруге өзіндік қолтаңбасымен зор үлес қосып жүрген Жаңаарқа ауданының мәдени-сауық орталығы директорының орынбасары Абидинова Сәуле Абайқызымен «Мың мамандық бәрі бар.Таңдап, талғап бірін ал!» атты сұхбат өткізілді.
Бар өмірін мәдениет саласына арнап келе жатқан өнегелі өмір иесін ұлықтау мақсатында өткізілген сұхбат барысында Сәуле Абайқызы жайында қысқаша ақпарат беріліп,жас оқырмандарымыз қонағымыздың еңбектерінен құлағдар етілді. Еңбек жолы жайлы ақпарат беріліп, оқырмандарымыз тарапынан тартымды сұрақтар қойылып,сырлы сұхбат өтті. Кездесу жастардың кітапхана қонағы Абидинова Сәуле Абайқызымен естелік суретке түсуімен түйінделді.
