«Нұр себеле –Ұлыстың ұлы күні»
17.03.2024
17 наурыз күні С.Сейфуллин атындағы орталықтандырылған кітапхананың ұйымдастыруымен «22- наурыз – Ұлыстың ұлы күні Әз Наурыз мейрамы» аясында «Шаңырақ» күніне орай «Нұр себеле –Ұлыстың ұлы күні» атты мерекелік салт –дәстүрлер кеші өткізілді. Мақсаты: «Шаңырақ» күнін дәріптеп, елдегі жас ұрпақты тәрбиелеу ісін дұрыс жолға қойып, олардың бойында патриотизм, адамгершілік, білімқұмарлық пен еңбекқорлыққа деген құштарлықты қалыптастыру. Кешімізді мың бұралған «Айкөрем» би тобы тамаша биімен ашып берді. Кітапханамызға Ұлыстың Ұлы мейрамымен арнайы құттықтап келген қонағымыз, өнегелі отбасы, көп балалы ата- ана, отбасылық дәстүрлерді дәріптеп жүрген Түсіповтер отбасы атбасын бұрды. Сыр – сұхбат барысында Жаңаарқа аудандық «Аманат» партиясы филиалының төрағасы Түсіпов Амантас Бақышұлы отбасы құндылықтарын, отбасы ұстанымдарын оқырмандарға түсіндіріп өтті. Қонақкәде ретінде қазақтың ұлттық аспабы – домбырамен отбасылық өнерлерін ортаға салды. Мереке керемет көңіл-күйге, қазақтың ұлттық ойындарына, думанды ән шашуға, ұлттық құндылықтарымызды дәріптейтін салт-дәстүрлерге толы болып, әрбір көрерменнің рухында наурыз мерекесін оятты.
