«Тарихтан тағылым - өткенге тағзым»
31.05.2022
31 мамыр - Саяси қуғын-сүргін және ашаршылық құрбандарын еске алу күніне орай «Тарихтан тағылым - өткенге тағзым» атты кітап көрмесі таныстырылды. Көрменің мақсаты - саяси қуғын-сүргін құрбандарын еске алу. Олардың өмір жолдарымен оқырманды тереңірек таныстыру, өткен тарихымыздан тағылым ала отырып, бүгінгі ұрпаққа әр кітап арқылы өнегелі тәрбие беру, оларды Отанын сүюге, елінің, жерінің адал патриоттары болуға баулу, олардың санасына тарихи шындықты жеткізу. Көрмеге кітапхананың қорындағы жаппай жазалаудың сол бір қиын-қыстау жылдарындағы зерттеулерде тағдырлары тәлкекке түскен саяси қуғын-сүргін құрбандары туралы «Нәубет», «Зобалаң», «Ақ боз үй», «Великие узники Карлага», «Сұрапыл жылдар», С.Сейфуллиннің «Тар жол тайғақ кешу», т.б. кітаптар мен мерзімдік басылымдардан жарық көрген мақалалар қойылды.
