«Тәуелсіздік –мәңгілік елдің тұғыры» атты әдеби-музыкалық кеш
13.12.2021
Қазақстан Республикасы Тәуелсіздігінің 30 жылдық мерейтойына орай, желтоқсан айының 13-і күні С.Сейфуллин атындағы орталықтандырылған кітапханасының оқу залында «Тәуелсіздік –мәңгілік елдің тұғыры» атты әдеби-музыкалық кеш болып өтті. Кешіміз Тәуелсіздік жолында шейіт болған боздақтарымызға тағзым жасаудан басталды. Ауданымызда Желтоқсан оқиғасына қатысқан қонақтарымыз тәуелсіздік мерекесі жайлы, әрі қиын, әрі ауыр кездерді басынан өткізгендіктері туралы сыр шертті. Жаңаарқа ауданы мәдениет және тілдерді дамыту бөлімінің басшысы Мұқажанов Медет Файзрахманұлы қазақ елінің тәуелсіздік тұғырының биік болуын айта келе, қонақтарға өзінің жүрекжарды құттықтау сөзін арнады. Әдеби –музыкалық кеште әсем әндер мен күйлер орындалып, Елбасына, Қазақстанға арнаған төл туындыларын тәуелсіздікке тарту етті. «Тәуелсіздік –бақыт жолы» атты тақырыптық кітап көрмеге 30-дан аса кітап, Тұңғыш Елбасы Н.Ә.Назарбаевтың Жолдауы мен бағдарламалық құжаты, альбомдар, мерзімді басылымдар, фото-суреттер қойылды. Оқырмандарға Тәуелсіздік рәміздері, ел экономикасын реформалау кезеңдері, Қазақстанның жаһандық бастамалары, тәуелсіздіктің 30 жылында қол жеткізген озық 30 жетістіктері туралы ақпараттар айтылды. Мерекелік кеш соңында ҚР Тәуелсіздігінің 30 жылдық мерейтойы аясында @ardee.s_art_studio өнер студиясымен бірлесе «Тәуелсіздік –теңдесі жоқ байлығым» атты ұйымдастырылған сурет байқауына қатысқан жеңімпаздар арнайы сыйлықтар және дипломдармен марапатталды. «Ең үздік кітапхананы жарнамалаушы» ауылдық кітапханашылар арасында өткізілген бейнероликтер байқауының жеңімпаздары да арнайы сыйлықтармен, дипломдармен марапатталды. #Тәуелсіздік30жыл #әдеби-музыкалықкеш #желтоқсаншылар #сырсұхбат #кітапкөрме #қызметкөрсетубөлімі
