«Ұлттық киім – ұлт бейнесі»

18.03.2025
Наурызнама тұжырымдамасы аясында 18 наурыз – Ұлттық киім күніне орай Ақтүбек ауылдық үлгілі кітапханасында «Ұлттық киім – ұлт бейнесі» атты кітап көрмесі ұйымдастырылып, шағын мерекелік сағат өткізілді. Шара Наурызнаманың онкүндігінің алғашқы күнінде ұлттық киіммен келуден басталды. Іс-шараның мақсаты – ұлттық киімнің маңыздылығын көрсету, тарихымен таныстыру және жастар арасында насихаттау. Оқырмандар қазақтың ұлттық киімі мен әшекейлерінің ерекшеліктері жайлы құнды деректермен танысты. Кітапханашылар көрмеге шолу жасап, бейнешолу ұсынды.Шара барысында ән айтылып, ұлттық тағамдар ұсынылды. Хакім Абай «Киім кию салты арқылы адамның мінез-құлқы, қоғамдағы орны, болмысы анықталады» дегендей, ұлттық нақыштағы киімдерді заманға сай үйлестірудің мәні зор. Осы күні кітапханашылар да ұлттық киім киіп, ұлт мұрасын ұлықтауға атсалысты.