«Жаңашырлық – адам бақытының негізі»
13.03.2025
13 наурыз күні Талдыбұлақ ауылдық кітапханасында 2025 жылдың «Наурызнама» тұжырымдамасы және «Жаңашыр жүрек» республикалық қайырымдылық акциясы аясында «Жаңашырлық – адам бақытының негізі» атты тәрбие сағаты өткізілді. Шара Талдыбұлақ ЖББ мектебінің кітапханашысы Ермекова Бөтагөзбен бірлесіп, 5-6 сынып оқушыларының қатысуымен өтті. Жан-жануарлар – табиғаттың ғажайып туындысы. Оларды қорғау және мейіріммен қарау – адамзат баласының асыл борышы. Шара барысында оқушылар белсенділік танытып, жануарларға қамқорлық көрсету тәжірибелерімен бөлісті. Әр оқушы өз үйлеріндегі жануарлар туралы айтып, оларға қалай қамқорлық жасайтындарын жеткізді. Бұл шара оқушылардың жанашырлық пен қамқорлыққа деген көзқарасын кеңейтті. Мақсаты: Оқушыларға жанашырлық ұғымын түсіндіру, олардың бойындағы мейірім мен қамқорлық сезімдерін ояту.
