«Жырдың гүлін терген ақын»
25.01.2023
25 қаңтар күні Б.Өтешов атындағы үлгілі балалар кітапханасының ұйымдастыруымен оқушылар үйінде, телестудия үйірмесімен бірлесіп Қазақстан Жазушылар Одағының мүшесі, ақын Қалқаман Саринның мерейтойына арналған «Жырдың гүлін терген ақын» атты әдеби кеш өтті. Шараға Б. Амалбеков атындағы тірек мектебінің 6 «г» сынып оқушылары мен А. Сейдімбек атындағы мектептің 8-9 сынып оқушысы поэзия оқудан өз өнерлерін көрсетті. Осы әдеби кештің жүргізушісі Е. Шаханов атындағы мектептің оқушысы Жанысқызы Айкүнім өзінің журналистік қабілетін көрсетті. Ақынның сөзіне жазылған «Жібек сезім» әнін оқушы Мерекеева Шұға орындады. Кештің соңын оқушы Өмірзақ Назерке «Қазақстаным» әнімен аяқтады. Осы әдеби кешке қатысқан оқушылар мен ұстаздар алғыс хатпен марапатталды.
